Bootstaufe des Basler Ruder-Clubs 23. Oktober 2021

Bei herrlichem Wetter konnten wir das Abrudern des Basler Ruder-Clubs an der «Rhyhalde» am 23. Oktober 2021 durchführen.

Der vom LC Bruderholz tatkräftig mitfinanzierten Skiffs wurde getauft und es wurde gleich in die erste Ausfahrt gestartet:

Luegets aa das Ruederboot,

wo do jetze vor uns stoot.

S git für daas nur ai Begriff:

Mir gseen doo e super Skiff.

Grad als Ruederer gseeschs gly,

s Boot, das git mr Energie.

Impulsiv sait ain ganz vif:

S Boot isch wirgglig explosiv.

S Boot isch schlank mit vyl Ästhetik.

Doo goosch dry mit vyl Athletik.

Mit me guete Ruederschlaag,

gits für di e Spitzedaag

und de merggsch, kuum sitzisch dinne:

Grad mit däm Boot wirsch du gwinne.

Mit däm Skiff saisch du sofort:

S Bescht isch doch dr Ruedersport.

Dass das finanziell au goot,

sitze d Lions mit im Boot.

Loob git daas in höggschte Döön

und e härzlig: Danggeschöön.

Jetze saage mir ganz froo.

Ihr sinn hüt zur Taufi koo.

S isch en Einer, blyb dr treu,

kämpf wie d Lions wien e Leu.

Dr Leu haisst uf Baseldytsch Lai.

Lai und Einer, liebi Frinde,

muesch im Namme drum verbinde.

Daas isch klar, s haisst kurz und glai:

Taufe dien mrs uff «eLai».